MES DE XUÑO

 AO LONGO DO MES DE XUÑO NON SE FARÁN EMPRÉSTITOS XA QUE ADICAMOS O TEMPO A RECOLLER, ORDEAR E POÑER A PUNTO TODO O FONDO BIBLIOGRÁFICO COMO REMATE DO CURSO.

LEMBRADE DEVOLVER TODO O QUE TEÑADES POLA CASA OU AULAS! GRAZAS!

FORMACIÓN DE USUARIOS

 Nestes últimos días do curso estase a realizar a formación de ususarios da biblioteca por parte da coordinadora Ana Regueira. Todos os cursos pasan pola nosa biblio para realizar diversas actividades relacionadas coa formación, tod@s debemos coñecela e saber movernos por ela. A todas as casas chegaría o tríptico informativo con toda a información, de seguro que vos contan.

CONCURSO MARCAPÁXINAS 2024

 Este curso os nosos marcapáxinas están cheos de CINE. É complicado ter que seleccionar só 1 en cada aula, pero aquí está o resultado, lembrade que TOD@s merecedes un premio polo voso esforzo, graciañas!

LETRAS GALEGAS

 Xa temos as nosas recomendacións para conmemorar o día das nosas letras, dos nosos autores, da nosa lingua.

Luísa Villalta é a coruñesa homenaxeada desta volta. Hai propostas dela e doutros escritor@s en lingua galega, pasade pola biblio a ler algún anaquiño.

LIBROS Á SOLTA

 Moitas familias pasaron pola nosa biblio para levar lectura para casa … GRAZAS!

CONCURSO DE RELATOS

 Parabéns aos gañadores desta edición:

- Alumnado de 5º de educación infantil (proposta conxunta)

- Andrea Martínez, 6º B educación primaria

DÍA DO LIBRO 2024

 Unha edición máis do APADRIÑAMENTOS LECTORES, e un éxito máis. Da gusto ver a todo o alumnado no patio compartindo lecturas, risas, tempo e conversas. Grazas a toda a comunidade educativa pola implicación nesta proposta!

No enlace podedes ver o vídeo resumo:

                                                            día do libro 2024

VISITA DE CARLOS MEIXIDE

 O autor de Ánxela e Spencer charlou animadamente esta mañá co alumnado de 6º onde revelou, entre outras cousas, por que lle puxo nome de comida a cada capítulo.

Grazas pola túa visita á nosa biblio, Carlos!

BIBLIOPATIOS

 As dúas bibliopatio, unha no patio de infantil e outra no de primaria, están a ter moita participación. A de primaria renóvase cada luns, a de infantil de cando en vez. Educar voar a imaxinación a través das historias dos libros é unha boa forma tamén de disfrutar do tempo de recreo.

APADRIÑAMENTOS LECTORES

 Despois da boa sensación deixada o curso pasado, desta volta tamén conmemoraremos o día do libro no cole facendo que padriños e madriñas de 3º, 4º, 5º e 6º de primaria contén contos a nen@s de infantil, 1º e 2º de primaria. Xa nos estamos coñecendo para ir sabendo gustos e preferencias.